×

Մուտք անձնական հաշիվ

Մոռացել եմ գաղտնաբառը

Գրանցում

Մի՛ բանտարկեք վայրի կենդանիներին
Մի՛ բանտարկեք վայրի կենդանիներին

ՀՀ-ում վայրի կենդանիները շարունակում են մնալ մարդկանց զվարճացնելու միջոց և բանտարկված պայմաններում պահվում են բազմաթիվ ժամանցի վայրերում: 

«Գորշ արջ» տեսակը գրանցված է Հայաստանի Կարմիր գրքում, ինչպես նաև՝ միջազգային Կարմիր ցուցակում: 
Արջերի այս տեսակը բնության մեջ էականորեն պակասել է, այնինչ, նրանց կարելի է հանդիպել բազմաթիվ մասնավոր տարածքներում՝ սարսափելի պայմաններում. արջերը մարդկանց զվարճացնելու համար են։

EcoNews.am բնապահպանական տեղեկատվական կայքից տեղեկացա, որ Կարմիր գրքում ներառված արջերի կարելի է հանդիպել թվարկված վայրերում.

 «Նաիրի ՍՊԱ ռեզորթ» հանգստավայրում,

 Հրազդանի կիրճի «Արջանոց» ռեստորանում,

 «Ակունքի դրախտ» ռեստորանում,

 «Յեդինայա Ռոսիա» ռեստորանում,

 «Աշտարակի Ձոր» ռեստորանում,

 «Հրաշք այգի» ռեստորանում,

 «MJA», «Ոսկե Բլուր» հյուրանոցների և բազմաթիվ մասնավոր բակերում՝ Երևանում, Արագածոտնում, Տավուշում, Արարատում, Արմավիրում, Շիրակում, Սյունիքում, Կոտայքում․․․  

Նեղ, կեղտոտ վանդակներում պահվող արջերն ունեն փրկության կարիք՝ քանի դեռ ուշ չէ: Նրանցից շատերը փորձում են թեթևացնել իրենց տանջանքներն ու ձանձրույթը՝ գլուխները հարվածելով պատերին, կամ բարձրանալով վանդակների վրա՝ հուսահատորեն ելքի ուղի փնտրելով:

Վայրի կենդանիներին պահպանման կարգը սահմանված է ՀՀ կառավարության 2009 թվականի թիվ 725 որոշմամբ: Այդ որոշումից տեղեկանում ենք, որ արջերին, եթե առանձին վայրում են պահում, պետք է ապահովել մեծ վանդակով, որը պետք ունենա 25 մետր քառակուսի մակերես եւ 3 մետր բարձրություն:
Նույն կարգի համաձայն՝ վայրի կենդանիներն անազատ և կիսաազատ պայմաններում պահելու դեպքում անհրաժեշտ է ապահովել կենսամիջավայրի հանդեպ այդ կենդանիների կենսաբանական, անհատական և տեսակային առանձնահատկություններից բխող ու դրանց գոյատևման համար անհրաժեշտ կարիքները բավարարող պայմանները` բացառելով պահելու վայրից դրանց փախուստը:

Ֆիզիկական և իրավաբանական անձինք, որոնք անազատ և կիսաազատ պայմաններում պահում են Կարմիր գրքում գրանցված կենդանիներ, իրավունք ունեն դրանք օգտագործելու միայն վերարտադրության, կլիմայավարժեցման, մշակութային, գեղագիտական ու գիտահետազոտական նպատակներով:

«Կենդանական աշխարհի մասին» ՀՀ օրենքը թերի է և ամբողջությամբ չի կանոնակարգում կենդանիների համար համապատասխան բարվոք պայմաններում պահելու պայմանները: 

Խորապես համոզված եմ, որ վերոնշյալ վայրերում վայրի կենդանիներ պահելու համապատասխան պայմաններ չկան:

Կոչս է. Մի՛ բանտարկեք վայրի կենդանիներին. դուք չունեք դրա բարոյական իրավունքը:

Էջի աջ հատվածից ստորագրեք այս պետիցիան, որպեսզի բողոքը հետագայում ուղղվի պատկան մարմիններին: 



Ստեղծման ամսաթիվ՝ 24.10.2017





Բողոքե՛լ կայքի վարչակազմին այս պետիցիայից





Պետիցիայի հեղինակ՝ Անահիտ Կարապետյան

Այս պետիցիայի հասցեատերն էր`

- ՀՀ Ոստիկանություն
- ՀՀ Բնապահպանության Նախարարություն
- Պետական կառավարման մարմիններ




Այս պետիցիան հաղթանակել է

3000

 2362


Վերջին 10 ստորագրությունները